Treningsstæsjet mitt

Det er på tide med eit bildeinnlegg no, og derfor tenkte eg at eg skulle fortelje litt om treningsstæsjet eg brukar:

Løpeskoa mine er av modellen

Adidas Adistar Ride 2 og ser slik ut:

Eg har handla mine på Löplabbet sin butikk i Bergen. Dei er ufatteleg dyktige, og tilbyr analyse av løpesteget ditt og pronasjonen din på tredemølle og sjekkar óg beina dine på speilkasse for å finne dei rette skoa for nett dine bein.

Denne analysa er gratis om du kjøper sko hjå dei, men kan benyttast utan skokjøp til 250 kroner.

Dette har vore ufatteleg verdifullt i mi jakt på dei rette skoa.

Pulsklokka mi er av modellen

Polar FT7 og ser slik ut:

Mi er handla på XXL , som akkurat no har den på tilbud til 849,- Den er kompatibel med FlowLink overføringseinheit slik at du kan overføre data frå klokka til PC, noko som gjer det lettare å halde styr på progresjonen din. Personleg har eg berre hatt ho i to dagar, men må allereie skryte villt og hemningslaust av ho. Sjølv brukar eg ho som vanleg klokke, og koblar berre på meg WearLinken med sendaren når eg skal trene. Når WearLinken sender held den styr på pulsen din, tida du har trent, klokka og antal kaloriar forbrent. Eg er som sagt kjempenøgd!

Så må eg seie noko om treningsBHen min!

Pierre Robert Sports Collection og ser slik ut:

Eg har prøvd ein og annan treningsBH oppigjennom, men ingen som har haldt bysten min på plass medan eg har trent. Dette er faktisk ein av grunnane til at eg alltid har gitt opp treninga, og latt vere å ha gym på skulen! Det har vore smertefullt med ei hoppande byste, sjølv om eg ikkje har meir enn ein (oppspist) C-cup.
Men, eg tok ein råsjangs og prøvde Pierre Robert sin treningsBH frå "Sports Collection", og fekk ei VERKELEG positiv overrasking, bysten min hoppa ikkje! Bysten vart relativt flat, men eg har innsett at det er "the price to pay" for å halde bysten i ro. Eg er veldig nøgd, og tenkte eg skulle handle meg eit par til.
Prisen er heller ikkje til å kimse av, for den kostar 200 kroner på dei fleste daglegvarehandlar.

Fortsettelse følger :)